長期大熱的Hello Kitty 款式 iphone 水晶電話套

Hello Kitty 係長期大熱之選, 時不時都會有客人SEND EMAIL來問的. 這個是一個半身Kitty, 用上 桃紅色做底色的作品. 其實做hello kitty都頗花時間的, 因為先要用黑色閃石裙好條邊, 再慢慢把入面填滿.

還要貼上底色... 真的需要點耐性啊~

 

Bling Bling 芝麻街 Elmo 水晶電話殼 for Iphone

 

 

分享番一D 舊作, 這個係芝麻街Elmo的電話殼, 是客人自訂款式, 由我畫上殼面, 然後貼石的作品.
整個殼花了我4晚才完成. 由於成個圖案都比較精細, 全個殼用了ss6 (2mm) 的閃石做, 因為閃石
較細的關係, 用的閃石數量自然多了, 所以切面會較多, 而會更加閃.






















自己一手一腳畫上的圖案, 成功感倍增!

簡約自然 - 漸變色大細水晶閃石iphone 4s電話殼

其實我好鍾意自然同簡約的電話殼, 如果俾我自己揀的話, 可能我都會好似呢個客咁, 訂造一個漸變色的閃石殼.
市面上其實都有好多現成的漸變色電話殼, 但係呢個客同我講, 佢鍾意桃紅色的比例多D, 白色的比例少D, 加上,
佢又想用"大細石"的編排, 所以想搵我幫佢整.
呢個電話殼係做到3/5 係桃紅, 1/5係粉紅, 1/5係白色, 希望客人鍾意啦...

閃石之選購: 大石 or 細石?

當你去買閃石時, 或者當你準備貼一個閃石作品時, 總會想... 究竟用咩size的閃石先好呢?
其實size真係好睇個人喜好, 但係我都想同大家分享下以下幾個關於閃石大小的考慮因素.

(1) 閃亮度
其實係咪大石大粒D, 所以閃D?
唔係的... 試想想, 同一件作品上, 同一個範圍, 如果用大石的話, 假設你要用100粒來填滿的話,
如果你換轉用細石, 因為細石細d的關係, 就要用上可能150, 甚至200粒.
每粒閃石的切割面的數量是一樣的, 那麼因為細石用了更多的數量, 所以同一件物件上的切割面自然多了,
光的折射自然多d.... 所以細石其實係比大石閃的.

(2) 手感問題
 我個人喜好方面, 我比較喜歡有手感的閃石作品, 例如一個iPHONE 殼, 如果整個殼都用了SS6為主石的話,
做起來的殼會比較滑一點, 而用SS12做出來的, 會比較鞋一點, 因為石面大了...
我自己喜好, Iphone會用ss10做主石, samsung galaxy/ HTC Desire 那些較大的手機, 會用上ss12做主石,
整個手感會好些.
如果係造3D 公仔的話, 多數就會用SS16了. 因為如果物件太大, 而石太細的話, 其實不好看的.

(3) 價錢問題
用細石要買的數量多D, 花的錢又會多了. 但是否用大石就平了? 都不一定的, 例如SIZE 大過SS20那些閃石,
一定會貴的, 造工問題嘛... 所以一般貼電話殼, 用SS6-SS12最好了.

貼石係一個講經驗的手作仔, 大家可以參考下我的意見, 再加上自己的經驗, 就可以上手了.

聖誕禮物首選 - 又抵買又靚的閃石bling bling 觸屏筆

今年聖誕節有位客人訂了幾枝閃石觸屏筆作為給朋友的聖誕禮物, 價錢唔貴, 又幾得意, 我諗佢D朋友收到應該會幾開心的. 一方便可以防止耳筒位積塵, 另一方面有D閃閃下既野吊喺喥, 都幾靚啊~ :-D

 

 

施華洛世奇閃石, 捷克石, 國產閃石的分別

宜家行街時會見到好多店都會賣閃石製品, 如電話殼, 卡片套, 鏡盒之類. 很多商店都會標榜自己為施華洛世奇悶石製品, 但係, 我發現其實好多商店都係故弄玄虛, 根本所用上的閃石就不是施華洛世奇閃石. 咁作為閃石的門外漢又應該點樣去分別不同的閃石呢? 而施華洛世奇 (Swarovski) 與捷克石, 大陸閃石, 有何分別?
以下有幾點各位可以留意:

• Swarovski 平底閃石探用14切面 (7大7小), 市面上暫時只有施華洛可以做得到14切面的閃石.  如果商店自稱自己的閃石係14切面的話, 只有2個可能性: (1) 佢在講大話, (2) 佢賣的是琉璃石, 不是玻璃石.
• Swarovski 閃石批發價1440粒最平都大約要$3XX, 造一個電話殼, 都要用成成千閃石, 加上5-6個鐘的人工費, 你可想而知為何市面上的施華洛閃石殼可以賣差不多一千蚊. 如果你見到一個殼是$300-$400的, 都沒太大可能是施華洛了.
• 如果是散賣閃石的話, 施華洛的底部一定是磨沙銀色的. 國貿閃石都有磨沙銀色, 但係其他色如金, 白, 都有.
• 捷克石的切面沒有swarovski的多(有12切面), 但係硬度都做得好, 所以閃爍度跟施華洛很接近. 價錢是施華落的70-80%左右, 不是平很多. 顏色方面, 選擇較多, 但是都不齊色的.
• 大陸閃石的切面是12面 (9大3小), 有些尺碼, 可能只得10個切面, 閃爍度會跟施華洛有別, 但是亦十分閃, 都玻璃製的, 手感上不會有分別. 顏色方面, 可能會有些色差, 要注意.

其實用什麼閃石, 都不是問題, 有些人喜歡平平地入門玩下, 有些人追求高質素的閃石, 各花入各眼. 最緊要的係, 知道自己正在買什麼閃石, 不要盲目相信他人, 不要被人欺騙, 做個精明的消費者.